简介：綽號奶茶，香港藝人，2013年參演香港電影《狂舞派》出道，之後拍過一啲電影，2017年進軍樂壇。
劉敬雯由小學五年班開始到加拿大多倫多Earl Haig Secondary School留學，喺多倫多大學讀完經濟系（同修東亞研究）學士之後留喺當地打工。佢16歲參加過多倫多嘅新秀歌唱大賽，但無攞獎。佢24歲時開始學街舞，27歲嗰年惹到豬流感，驚自己無時間跳舞，所以病好之後就放棄加拿大嘅事業同男朋友返香港，全程投入跳舞嘅夢想。到2013年，佢畀導演黃修平賞識，搵佢做電影《狂舞派》其中一個跳舞嘅角色。2016年，佢畀音樂人戴偉賞識，搵佢唱電影《點五步》嘅插曲《Seems Like So Far Away》。到2017年，佢以34歲嘅年紀正式加入樂壇，推出頭一隻派台歌《反方向》。
